مع انطلاق كأس العالم، لا يقتصر الحدث على كرة القدم، بل يمتد أثره إلى الشوارع والمقاهي، حيث يجد كثير من المصريين في البطولة فرصة لزيادة الدخل، بينما يعيش المشجعون أجواء استثنائية.

تشهد أسواق الأعلام رواجا مع كل مباراة للمنتخب المصري في كأس العالم. ويؤكد الباعة أن المونديال يمثل موسما مهما لزيادة المبيعات، خاصة مع مباريات المنتخب المصري، حيث يزداد إقبال الجماهير على شراء الأعلام والقمصان التي تحمل ألوان وشعار المنتخب الوطني.

أحمد، بائع أعلام:

والله قبل كاس العالم مكنش في رواج جامد في  مسألة بيع الاعلام الا في الماتشات اللي كانت في التصفيات المؤهلة لكاس العالم او لكأس الامم الافريقية مع بداية بطولة كاس العالم ومشاركة مصر فيها فابتدى كل يوم في عرس بالنسبة لنا وفي باب رزق جديد لنا واحنا بنوزع الاعلام وبيبقى فيه رواج.

يحرص كثير من المشجعين على شراء الأعلام للتعبير عن دعمهم للمنتخب المصري وإضفاء أجواء احتفالية أثناء متابعة المباريات كما يقول محمد:

زي حضرتك شايف كده إحنا احنا بننزل نشتري الاعلام بنشتري التيشيرتات. لانه في النهاية ده بيبقى بالنسبة لنا احتفالية وبنقعد كلنا كأسرة نتفرج ونشجع كاس العالم. دي حاجة متتعوضش بنستناها يعني بفارغ الصبر.

اما المقاهي في مصر فتستعد قبيل كل مباراة بتجهيز الشاشات واستقبال أعداد كبيرة من الزبائن، ما يجعل كأس العالم من أكثر المواسم نشاطا بالنسبة لهم.

الناس بتكون اكتر طبعا من اي يوم عادي لان كل الناس بتبقى في الشارع عايزة تتفرج على الماتش. الاماكن كلها بتبقى زحمة فبيبقى في يعني تحس ان في شغل زيادة. طبعا ده بيعلي الشغل معانا ويبقى بارز اكتر للناس وكله بيستفيد. يعني بتبقى حاجة حلوة للكل والكل فرحان ومبسوط.

احسن ايام يعني منتخب مصر بيحصل جمهور كتير وما يقعدش ولا ما يبقاش في نفس اللي احنا من كتر الشغل.

ويفضل كثير من المواطنين مشاهدة المباريات في المقاهي للاستمتاع بالحماس الجماعي ومشاركة لحظات التشجيع مع الآخرين.

الناس بتروح على القهوة. قبلها بساعتين. هو عموما القهاوي الموسم بتاعهم بيبقى مثلا في البطولات زي كأس العالم بيبقى موسم بتوعهم. الناس بتنزل على القهاوي عشان بتتفرج مع صحابها وكده يبقى فيه روح برضه للمباراة. ويبقى حاسس برضه ان هو ايه يعني كتغيير بالنسبة له تمام وتستمتع  بالمباراة مع صحابها.

دايما بنيجي انا وبابا وماما نتفرج على مباريات كاس العالم المهمة وخصوصا مباريات مصر في الكافيه. بالرغم من إنه بيكون زحمة بس الموضوع بيكون ممتع.

رغم إن أنا عندي اشتراك في البيت. بس بحب كده إن أنا أقعد مع أصحابي في القهوة. شعور جميل جدا. 

وهكذا تتحول مباريات كأس العالم في مصر إلى مناسبة رياضية واقتصادية يستفيد منها العاملون ويعيش خلالها المشجعون أجواء استثنائية.